شعر فقيری

[kalaavangaa]

بسمة تعالی
شعر فقيری

خدا يا دل نارمه، دلبر نخوايمه پر و مار دنينه، سرور نخوايمه

جان‌مار مه دل و، پر منه سرور جای دلبر دنيّه، مه دل ور

از نداشتی‌خدا‌ره‌من‌كشمه فرياد اتّاره كم دينه، اتّا ره زياد

بعضی‌ره‌پول‌بعضی قشنگ اولاد خدا چيسه منه تو ورنه از ياد

اگر فقير واشی داری دو متر قد در اين دنيا نيه دوزار ته قيمت

كتاه‌‌پولدارواشی خيلی وونه گت اگه هيچی نارنه تو دارنه غيرت

كاره خدا من ره كنّه ديوونه خدا هارش فقير ِ دست پينه

خوش‌به حال‌هر‌چی‌فقير بيچاره نا غم بز دارننه نه غم بزگله

پولدار دل سنگه و،دلسوز نوونه فقير بيچارة شو روز نوونه

بخونم نماز و هايرم شه روزه بلكه خدا ی دل ا مه بسوزه

بوينن كار دنيا با حسابه ورق ورق ونه مثل كتابه

فقير دل پاك و صاف و زلاله پولداركم‌خوارنه، فقير‌خوش‌خوراكه

همه شوننه، اين دنيا‌هم نمونّه بمرده روز ته دست طلا نمونّه

گناه كنّه كه، خداوند ندونّه روز محشر بهشت ته جا نوونه

شمی خاطر دوو، منه نصيحت دوست و‌دشمن پشت، نكنن غيبت

شما نماز بخونّن سر ساعت ناموس‌ره حفظ هاكنن، دارن غيرت

دريای او‌ شنسه، دارن ساحل خنه زن دني‌وو، سو نارنه منزل

جوون كه زن بوره وونه عاقل به قول پيغمبر دين وونه كامل

افتخار كمّه بميرم در جوونی بورم عشق ياره ا وجه يادگاری

شعر از ته دل گمه امر‌الهی مه قبرسر ‌فاتحه بخونن،جای‌موری

اين دنيا پستی و بلندی دارنه هر عاشقی آخر، جدايی دارنه

هر‌كه شه‌پر و ماره، راضی دارنه روز محشر ثواب حسابی ‌ دارنه

رقم رقم گمه شعر يادگاری از معشوق و عاشق، يار قديمی

شمی سه بخوونّه اون كلونگايی به عشقش برسه هر مازندرونی

كمّه من نصيحت دوستان شماره به كار خير نارنه هيج استخاره

اين پا اون پا نكن هاكن شه كاره شيطون گوشه كنار ته انتظاره'

شو و روز ِ جمعه، خيلی با حاله گننه كه اين روز، امام زمان ماله

دست ‌به داموون‌گيرمه جا‌ن‌خداره ظا هر ها كنه‌ فرزند فاطمه زهراره

دنيا هر چه خب وو،‌ هسّه موقّت تا بتنّه بوئر امامونه زيارت

گننه اون دنيا دارن قيامت مگر امامون هاكنن امای شفاعت


روز دوشنبه مورّخة1393/6/17 عبّاس توكّلی(سابع)تهران

و با تشكّراز آقای داوود بهزادی

[amerali]

سلام آقای حاج عبا توکلی
در صورت امکان شعر گفتگوی شمع و لامپ رو برای سایت بفرستید . ضمنا" بد نیست بین این شعر و شعر گفتگوی نی و آتش مقایسه ، تجزیه و تحلیلی صورت بگیره .
با آرزوی داشتن اوقاتی خوش - عامر علی