من و تو كجه درمه ،كجه شومه

[kalaavangaa]

بسمه تعالی

من و تو كجه درمه ،كجه شومه

من و تو كجه درمه ، كجه شومه خيال چی دارمه، در كجه شومه

فكر كنّه تا كجه، بشينه بوردن به هر جا برسّم، تا اوجه شومه

مسير راه، دارنه پستی بلندی سخته بوردن ولی، تا اوجه شومه

وينه برنامه دارم، دوست همراه بدون برنامه ، هيج جا نشومه

خواينه پش دكفی، هيچ حرفی نيّه ولی آهسته بور، راهی كه شومه

شه پشه خب هارش، پا نيلارهر جا هر جا خش دمته ، تا اوجه شومه

توكه پش شونه هم، دمّال ره هارش زياد پشتر نشو، تا اوجه شومه

من و ته فاصله ، يه حدّی دارنه اگه ويشتر بوو، تا اوجه شومه

رعايت هاكن تو، اين فاصله ره اگه زياد بوو ، تا اوجه شومه

تو دنّه داستان ، خضر و موسی؟ اگه قسمت بوو، تا اوجه شومه

هر جا هرچی بوئم ، اون بوو اجرا هر جا من بوتمه، تا اوجه شومه

نا من خضر و نا تو، موسی پيمبر دمّه هر جا بوو ، با كلّه شومه

نامن دارمه حساب، درّه و كوه دمّه اوّل سراغ ، درّه شومه

حساب كوه ره داشتن، خيلی سخته نشينه كوه بوردن، ناگه درّه شومه

اگه تو هم دوويی، در بی حسابی يقيناً هر د و تا ، تا درّه شومه

مگه اون درّه لو ، فكری برسّه از اوجه تا آخر، با هم ديگه شومه

برو هاكنم، حساب دو دو تاچهارتا تا جايی كه بتمّه، تا اوجه شومه

اگه نوه پياده ، بورم با هم من و تو با همديگه، سواره شومه

تا اوجه نشويم، راه نوو د رپيش هر جا كه راه دارنه ،تا اوجه شومه

اگه راهی بورم ،راهی نوو در پس پس چه راه زياد ، از اندازه شومه

اگه بورم جايی، نه پيش و درپس اسا چی هاكنم،پس چه ايجه شومه

چنين جا قسمت،كس و ناكس نوويه خدا عقل هادايه ، تا اوجه شومه

اگه با چرتكه يا، با ماشين حساب حسابی هاكنم، تا اوجه شومه

تو سابع چه نارنه ،حساب دنيا تا هر جا دس رسنه ،تا اوجه شومه

روز شنبه مورّخه 5/11/1392

عبّاس توكّلی(سابع) تهران